["Қиямет мезгілінің мәліметі Аллаға тән. Оның білуінен тыс, жемістердің ешбірі қауашағынан шықпайды. Және ешбір ұрғашы жүкті болмайды да тумайды. Оларға: \"Менің ортақтарым қайда?\",- деп сұралған күні, олар: \"Саған ұсындық; бізден оған куә болушы жоқ\" дейді. ","Бұрынғы шоқынғандары олардан ғайып болды. Өздерінің қашар жерлері болмағанын түсінді. ","Адам баласы жақсылық тілеуден жалықпайды да егер оған бір жамандық душар болса, сонда мүлде күдер үзіп, үмітсізденеді. ","Ал егер оған шалдыққан бейнеттен кейін өзіне жанымыздан мәрхамет етсек: \"Бұл менің ақым; тіпті қиямет-қайым боларын да ойламаймын\" дейді. Мүбада Раббыма қайтарылсам да сөзсіз мен үшін Оның жанында тағы жақсырағы бар\" дейді. Әлбетте осындай қарсы болғандардың не істегендерін түсіндіреміз. Сондай-ақ оларға азаптың ауырын таттырамыз. ","Қашан адам баласына бір нығмет берсек, бет бұрады да өз жағына қыңыраяды. Қашан оған бір сұмдық душар болса, сонда ол, көлемді түрде жалбарынады. ","(Мұхаммед Ғ.С.): \"Көрдіңдер ме? Я, осы Құран Алланың қасынан келген болып, сосын оған қарсы келсеңдер, ол ұзақ қайшылыққа түскен біреуден артық адасқан кім бола алады?\" ","Құранның мүлде шын екендігі айқындалғанға дейін әлемдегі және өздеріндегі белгілерімізді жедел көрсетеміз. Расында Раббыңның әр нәрсеге куә екендігі саған жеткілікті емес пе? ","Абайландар! Расында олар Раббыларына жолығудан күдіктенуде. Көңіл бөліңдер. Әрине Алла әр нәрсені толық меңгеруші. ","Хә. Мим.",".  Аин. Син. Қаф. ","(Мұхаммед Ғ.С.) тым үстем, аса дана Алла (Т.) саған да сенен бұрынғыларға да осылайша уахи етті. ","Көктердегі, жердегі барлық нәрсе Онікі. Ол тым жоғары, өте зор.","(Алладан қорқып) көктер үстінен жарыла жаздайды. Періштелер Раббыларын дәріптей мақтап, жердегілерге жарылқау тілейді. Көңіл бөліңдер. Күдіксіз Алла, тым жарылқаушы, төтенше мейірімді. (40-С. 7-А.) ","Сондай Алладан өзге ие жасап алғандарды; Алла бақылайды. (Мұхаммед Ғ.С.) Сен оларға кепіл емессің. "," Осылайша қалалардың орталығы (Мекке халқын) әрі маңындағыларды қорқытуың және де болуында шәк жоқ күні, жиналуды ескертуің үшін; саған арапша Бір Құран уахи еттік. Ол күні; бір топ жаннатта, бір топ тозақта. ","Мүбада Алла қаласа оларды бір-ақ үммет қылар еді. Алайда Алла, кімді қаласа, мәрхаметіне бөлейді. Залымдарға дос та көмекші де жоқ. ","Я, олар Алладан өзге ие жасап алды ма? Негізінде Алла, өзі ие; Ол өліні тірілтеді. Және Оның әр нәрсеге толық күші жетуші. ","Сендер тартысқан нәрсе турасында шешім жасау Аллаға тән. Міне осы Алла, менің Раббым. Оған тәуекел еттім әрі Оған мойынсал болдым. ","Көктер мен жердің жаратушысы сендер үшін өз жыныстарыңнан жұбайлар жаратып, хайуандар үшін де жүптер жаратушы. Өстіп сендерді өсірді. Еш нәрсе Ол сияқты емес. Ол Алла, әр нәрсені естуші, толық көруші. ","Көктер мен жердің (қазыналарының) кілті Оған тән. Кімді қаласа, несібесін кеңітеді де шамалайды. Өйткені Ол, әр нәрсені толық білуші.","(Мұхаммед Ғ.С.) Алла Нұх (Ғ.С.) қа нұсқау берген нәрселерді және саған уахи еткенімізді сондай-ақ Ыбырайым, Мұса және Ғиса (Ғ.С.) ға нүсқау берген нәрселерімізді сендерге діни жол қылды: Дінді мықты орындаңдар да дінде бөлінбеңдер. Сенің шақырған нәрсең мүшріктерге ауыр келді. Алла оған (сен шақырған дінге) кімді қаласа, оны сайлайды. Кім Оған бейімдесе оны тура жолға салады. ","Олар өздеріне білім келгеннен кейін араларындагы көре алмастықтың салдарынан ғана бөлінді. Егер Раббың тарапынан, белгілі бір мерзімге дейін сөз бекіген болмаса еді, әлбетте араларында іс біткен болар еді. Расында олардан кейін Кітапқа мұрагер етілгендер де әлбетте одан шәк ішінде күдүктенуші. ","(Мұхаммед Ғ.С.) міне сол үшін хақиқатқа шақыр да бұйрылғаныңдай мықты тұр. Олардың ойларына ілеспе және оларға: \"Алла түсірген Кітапқа иман келтірдім. Сондай-ақ араларыңда әділдік қылуға бұйрылдым. Алла, біздің де Раббымыз, сендердің де Раббыларың. Біздің ісіміз бізге, сендердің істерің сендерге тән. Сендер мен біздің арамызда тартыс жоқ. Алла арамызды қосады. Және қайтар орын сол жақ\" де. ","Дін қабылданғаннан кейін Алла турасында дауласқандардың даулары Раббыларының қасында босқа. Оларға ашу және қатты азап бар.","Ол сондай Алла, Кітапты және өлшеуді шындықпен түсірді. Қайдан білесің? Қиямет жақын шығар. ","Оған сенбегендер, асығыс тілейді. Сенгендер, одан үрейленіп, оның хақ екенін біледі. Сақ болыңар! Ол мезгіл жайында тартысатындар, әлбетте ұзақ адасуда. ","Алла (Т.) құлдарын өте аяушы. Кімді қаласа, несібе береді. Ол өте күшті, тым үстем. ","Кім ахирет пайдасын қаласа, оған оның пайдасын арттыра түсеміз. Ал және кім дүниенің пайдасын іздесе, оған одан береміз. Оған ахиретте несібе жоқ. ","Немесе дін тұрғасынан Алла бұйырмаған нәрсені оларға шариғат қылатын ортақтары бар ма? Егер Алланың шешімі бекіген болмаса еді, әрине араларында іс бітер еді. Күдіксіз залымдар үшін күйзелтуші азап бар. ","(Мұхаммед Ғ.С.) залымдарды, қылмыстарының жазасы келуінен шошығандарын көресің. Ал сондай иман келтіріп, түзу іс істегендер, жаннат бақшаларында болады. Олар үшін Раббыларының қасында не тілесе бар. Міне сол, ұлы кеңшілік. ","Міне Алла, иман келтіріп, түзу іс істеген құлдарын қуанышқа бөлейді. (Мұхаммед Ғ.С.): \"Сендерден бұған жақындық махаббаттан басқа ешбір ақы тілемеймін\" де. Кім бір жақсы табысқа ие болса, оның бұндағы жақсылығын арттыра түсеміз. Күдіксіз Алла, тым жарылқаушы, шүкірлікті бағалаушы. (Бұл аяттағы, жақын сүйіспеншілік: \"Құлшылық арқылы Аллаға жақындау. Немесе Құрайштан болғандығым үшін жақындық көрсетіп жапа бермеулеріңді қалаймын\" деген ұғымдарда. Б.Ж.М.К.Р.) ","(Мұхаммед Ғ.С. олар сені): \"Аллаға өтірік жала қойды\" дей ме? Алла қаласа, сенің жүрегіңді де бітер еді. Алла, өтірікті жойып, өз сөздерімен шындықты шынға шығарады. Өйткені Ол, жүректегілерді толық біледі. ","Ол, құлдарының тәубесін қабыл етеді де күнәларын кешіреді. Әрі не істегендеріңді біледі. ","Сондай иман келтіріп, ізгі іс істегендердің тілегін қабыл етіп, кеңшілігімен арттыра түседі. Ал қарсы болғандар үшін қатты азап бар. ","Егер Алла құлдарына несібені кеңітіп жіберсе, әлбетте жер жүзінде бүліншілік шығарады. Бірақ қалаған мөлшерде несібе береді. (43-С. 32-А.) Өйткені Ол, құлдарынан толық хабар алушы, көруші. ","Ол сондай Алла, олар күдер үзгеннен кейін жаңбыр жаудырып, рахметін шашады. Ол мақтаулы ие. ","Көктер мен жердің жаратылуы және ондағы жәндіктердің таралуы Оның белгілерінен. Ол, оларды қашан қаласа да жинауға күші толық жетеді. ","Бастарыңа келген бір ауыршылық, қолекі істегендеріңнің салдарынан болады. Және де Алла көбін кешіп жібереді. ","Сендер Оны жер жүзінде осалдата алмайсыңдар. Сондай-ақ сендерге Алладан өзге ие де жәрдемші де жоқ. ","Теңізде таулардай кемелердің жүруі де Алланың белгілерінен. ","Егер Ол қаласа, желді тоқтатар еді де кемелер су үстінде түрьш қалар еді. Даусыз бұнда өте сабырлы, толық шүкір етушілерге өнегелер бар. ","Немесе оларды қылмыстарының салдарынан жоқ етеді; көбін кешірім етеді."," Аяттарымыз турасында тартысқандар, өздеріне бір қашатын жер болмағанын білсін. ","Ал енді сендерге берілген нәрсе, дүние тіршілігінің ғана пайдасы. Алланың қасындағы нәрселер иман келтіріп, Раббыларьша тәуекел етушілер үшін хайырлы да тұракты. ","Сондай зор күнәлардан, арсыздықтардан сақтанған сондай-ақ ашу кернеген кезде өздері кешірім еткендер; ","Ал және сондай Раббыларына мақұл дегендер, намазды толық орындағандар сондай-ақ өзара істерін кеңеспен жүргізгендер және өздеріне берген несібемізді тиісті орындарға жұмсағандар. (3-С. 159-А.) (Т-Қ.) (Өзара ақылдасып, іс жүргізу Мұсылманшылықтың елеулі бір сипаты боп, саналады.) ","Және де егер оларға бір зұлымдық болса, олар жәрдемдеседі. ","Бір жамандықтың жазасы өзіндей ғана жамандық. Сонда кім кешірім етіп, жарасса; онда оның сыйлығы Аллаға тән. Күдіксіз Ол, залымдарды жақсы көрмейді. ","Әлбетте біреу зұлымдық көргеннен кейін өшін алса, сонда оларға сын жоқ. ","Шынында сөгіс, адамдарға зұлымдық қылып, жер жүзінде орынсыз шектен шыққандарға лайық. Міне солар үшін жан түршігерлік азап бар. ","Әрине кім сабыр етіп, кешірімді болса, дау жоқ, істердің ең маңыздысы осы. ","Әлде кімді Алла адастырса, сонда одан кейін оның ешбір жәрдемшісі болмайды. Залымдар азапты көрген сәтте: \"Қайтатын бір жол бар ма?\",-дегенін көресің. ","Олар тозаққа төндірілгенде, корлықтан сүмірейіп, жасырын көз құйрығымен қарағанын көресің; иман келтіргендер оларды: \"Зиянда болғандар, қиямет күні; өздерін де семьяларын да зиянға ұшыратқандар\" дейді. Байқаңдар! Дау жоқ, залымдар тұрақты азапта болады. ","Олардың өздеріне Алладан басқа жәрдем ететін достары жоқ. Әлде кімді Алла адастырса, сонда оған ешбір жол жоқ. ","Алла тарапынан, кейін қайтарылмайтын бір күн келуден бұрын Раббыларыңа мақұл деңдер. Ол күні сендерге паналар жер жоқ әрі тана алмайсыңдар!","(Мұхаммед Ғ.С.) енді егер олар бет бұрса, сені оларға күзетші етіп, жібермедік. Саған жалғастыру ғана міндет. Расында қашан адам баласына өз мәрхаметімізден таттырсақ, сонда оған мәз болады. Ал егер қолекі істеген кесірлерінің салдарынан бастарына бір жамандық келсе, сонда сөз жоқ, адам баласы мүлде қарсы келеді. ","Көктер мен жердің иелігі Аллаға тән. Қалағанын жаратады. Кімге қаласа, қыздар, кімге қаласа ұлдар береді. ","Немесе ұлдармен қыздарды жүп-жүбімен береді. Сондай-ақ қалағанын бедеу қылады. Күдіксіз Ол, толық білуші, аса күшті. ","Алла (Т.) бір адам баласымен көкейіне салу түрінде немесе перде артынан ғана сөйлеседі: Не бір елші жіберіп, өз бұйрығымен қалағанын уахи етеді. Күдіксіз Ол, өте жоғары, хикмет иесі. (Мысалы: Ыбырайым Ғ.С. ға баласын құрбан шалу түсінде аян берілген.27-С. 12-А. Алла (Т.) Мүса Ғ.С. ға көрінбей, сөзі естілген түрде сөйлескен. 7-С. 143-А. Көбінесе Пайғамбарларға уахи арқылы нұсқау берілген.4-С. 163-А.) ","(Мұхаммед Р.С.) саған осылайша әмірімізден бір \"Рұх\" (Құран. Ж.М.Р.) уахи еттік. Сен, Кітап не? Иман не? Білмейтін едің. Бірақ Құранды нұр , қылып, онымен құлдарымыздан кімді қаласақ, тура жолға саламыз. Расында сен тура жолға бастайсың. ","Ол, көктер мен жердегі нәрселер өзіне тән Алланың жолы. Сақ болыңдар! Істер Аллаға қайтады. ","Хә. Мим. ","Ашық Кітапқа серт. ","Расында түсінулерің үшін оны Арапша Құран қылдық.","Күдіксіз ол қасымыздағы негізгі Кітапта өте жоғары, терең сырлы.","Сендер шектен шыққан ел екен деп, үгіт баян етуден айнып кетейік пе? ","Бұрынғыларға қаншалаған пайғамбар жібергеміз. ","Олар өздеріне келген пайғамбарды ұдайы мазақ қылды.","Сондықтан олардан күштіректерді типыл қылдық. Бұрынғылардың мысалы өтті. ","(Мұхаммед Ғ.С.) егер олардан: \"Көктер мен жерді кім жаратты?\",- деп сұрасаң, әрине: \"Оларды өте үстем, аса білуші Алла жаратты\" дейді. ","Сондай Алла, сендерге жерді бесік қылды да онда тура жүрулерің үшін жолдар жаратты. ","Ол сондай Алла, көктен мөлшермен жаңбыр жаудыруда. Сонда онымен өлі бір жерді құлпырттық. Сол сияқты тірілтіліп, шығарыласыңдар. ","Ол сондай Алла, барлық жүптерді жаратты. Сондай-ақ сендерге кемеден және хайуандардан мінетін көлік жаратты. ","Олардың үстіне мінсеңдер, сосын Раббыларыңның нығметін еске алып: \"Бұны бізге бағындырған Алла пәк. Өйткені біз бұған жақындаса алмайтын едік\" дейсіңдер.","\"Күдіксіз Раббымызға қайтарыламыз.\" ","(Мұхаммед Ғ.С.) олар Аллаға құлдарының бір бөлімін арнады. (Періштелерді Алланың қыздары дейді.) Расында адам баласы ашық нәсүкір. ","Немесе Ол, жаратқандарынан қыздарды өзі алып, ұлдарды сендерге арнады ма?","Олардың біреуіне Аллаға арнағанының ұқсасы шүйіншіленсе, (қатының қыз тапты делінсе,) беттері қарайып, оны ашу кернейді. ","Моншақ ішінде тәрбиеленіп, өз дауында баян ете алмайтын біреу ме? (Осындай нәзік жаралған қыздар Алланікі бола ма?) ","Олар, Алланың құлдары періштелерді өздерінше әйелдерге балайды. Олар, олардың жаратылуын көріп пе еді? Олардың бұл куеліктері жазылып жене сұралады. ","Тағы олар: \"Мейірімді Алла, қаласа еді, біз періштелерге табынбас едік\" деді. Олардың оған байланысты мәліметтері жоқ. Олардікі мүлде межелеу ғана. ","Немесе оларға бұдан бұрын бір кітап бердік те соған жабысуда ма? ","Керісінше, олар: \"Аталарымызды бір жол үстінде таптық. Расында біз де олардың іздеріне түсіп, тура жол табамыз\" дейді.","Осылайша (Мұхаммед Ғ.С.) сенен бұрын бір мемлекетке пайғамбар жіберген болсақ, олардың беделділері: \"Расында біз аталарымызды бір жол үстінде таптық. Біз де солардың ізіне түсеміз\" деді. ","(Әр Пайғамбар): \"Егер сендер аталарыңды тапқан жолдан турарағын әкелсем де ме?,-деді. Олар: \"Расында сендер арқылы жіберілген нәрселерге қарсымыз\" деді. ","Сонда Біз де олардың тиісті жазасын бердік. Енді қара, жасынға шығарушылардың соңы қалай болды? ","Сол уақытта Ыбырайым (Ғ.С.) әкесіне әрі еліне: \"Шын мәнінде мен сендердің табынған нәрселеріңнен бездім\" деді. ","\"Бірақ мені жаратқан Алла басқа. Өйткені Ол, мені тура жолға салады...\" ","Ыбырайым (Ғ.С.) бұл (Алланы бірлеу) сөзін кейінгі ұрпақтарына мұра етіп, қалдырды. Әрине олар осыған қайта оралар. ","Сонда да оларды әрі аталарын Құран және ашық баян етуші Елші келгенге дейін қамтамасыз еттім. ","Оларға Құран келген сәтте, олар: \"Бұл бір сиқыр. Шынында бұган қарсымыз\" деді. ","Олар: \"Бұл Құран (Мекке, Тайып) екі қаладан ірі бір адамға түсірілсе еді\" деді. ","(Мұхаммед Ғ.С.) Раббыңның мәрхаметін олар бөліп бере ме? Олардың дүние тіршілігіндегі несібесін араларына Біз үлестірдік. Сондай-ақ бір-біріне бағынсын деп, бірін-бірінен дәрежеде көтердік. Раббыңның мәрхаметі олардың жиған-тергендерінен артық. ","Егер бүкіл адам баласы біріңғай болып, азбайтын болса еді, әрине Аллаға қарсы болғандардың үйлерінің төбесін әрі жоғары шығатын баспалдақтарын күмістен жасар едік. ","Үйлерінің есіктерін және сүйеніп үстеріне отыратын дивандарын да күмістен жасар едік. ","Сондай-ақ алтынға бөлер едік. Бұлардың барлығы дүние тіршілігінің ғана пайдасы. Раббыңның қасындағьі ахирет, тақуалар үшін. ","Әлде кім Рахманды еске алудан көз жұмса, оған шайтанды ерікті қыламыз да сонда ол, оның жолдасы болады. ","Күдіксіз шайтандар оларды жолдан тосады. Олар өздерін тура жолға түсірілдік деп ойлайды. ","Ақыр (қиямет күні) бізге келгенде (шайтанға): \"Әттең! Менімен сенің араң батыс, шығыстың ұзақтығы болсашы! Нендей жаман жолдассың\" деді. ","Әрине сендерге бүгінгі өкініш пайда бермейді. Сол уақытта зұлымдық істегенсіңдер. Сондықтан азапқа да ортақсыңдар. ","(Мұхаммед Ғ.С.) саңырауларға сен естіртесіқ бе? Немесе соқырды және ашық адасқан біреуді тура жолға саласың ба? ","Ал, мүбада сені алып, кетсек (қайтыс болсаң) те оларға лайықты жазаларын береміз. ","Немесе оларға уәде етілген азапты (көзің тірісінде келтіріп,) әрине саған да көрсетеміз. Күдіксіз оларға күшіміз жетеді. ","(Мұхаммед Ғ.С.) сен сондай өзіңе уахи етілген Құранға жабыс. Сен шын мәнінде тура жолдасың."," Күдіксіз Құран, сен үшін әрі елің үшін бір үгіт. Келешекте сұраласыңдар. (Оны бағалау, ардақтау және оның шүкірлігін орындауға жауапкерсіңдер. Б.Ж.М.) ","Сенен бұрын жіберген елшілерімізден сұра: Алладан өзге құлшылық қылатын тәңірлер жасадық па? ","Күдіксіз Мұса (Ғ.С.) ны да мұғжизаларымызбен Перғауынға сыбайластарына жібердік. Сонда ол, оларға: \"Шын мәнінде мен әлемдердің Раббының Елшісімін\" деді. ","Оларға мұғжизаларымызды келтірген сәтте, олар, оған күлген еді.","Оларға көрсеткен мұғжизалар, бір-бірінен ұлкен еді. Бәлкім райдан қайтар деп азапқа ұшыраттық. ","(Олар Мұса Ғ.Сға): \"Әй сиқыршы! Раббыңа өзіңе берген уәде бойынша жалбарын. Біз шын мәнінде тура жолға келейік\" десті. ","Сонда олардан азапты Біз айықтырған кезде олар дереу сөздерінен айниды. ","Перғауын, елінің ішінде: \"Әй қаумым! Мысырдың патшалығы және астымнан ағатын міне өзендер менікі емес пе? Көрмейсіңдер ме?\",- деп, даурықты. ","\"Немесе мен осы өзі қор, сөзін түсіндіре алмайтын Мұсадан жақсы емеспін бе?\" ","\"Оған алтыннан білезіктер неге салынбаған немесе онымен бірге періштелер неге жолдас болып келмеген?\" ","Сөйтіп (Перғауын) елін менсінбеді. Сонда да олар оған бағынды. Расында олар, бұзық ел еді. ","Сөйтіп олар Бізді кейіткен кезде, олардың тиісті жазасын беріп, суға батырдық.","Оларды кейінгілер үшін бір өтіп кеткен үлгі қылдық. ","(Мұхаммед Ғ.С.) Мәрйем ұлын мысал келтіргенде, оған, елің қарқылдап күлді. ","Олар: \"Біздің тәңірлеріміз жақсы ма? Не Ғиса жақсы ма?\",- деді. Олардың саған бұны айтулары, жанжал үшін ғана. Өйткені олар, қиқар ел. ","Ол Ғиса (Ғ.С.) Біз өзіне игілік берген сондай-ақ Израил ұрпақтарына бір мысал қылған құл ғана. ","Егер қаласақ, сендерден періште жаратар едік те олар орындарыңды басар еді. ","Күдіксіз (Ғиса Ғ.С.) қиямет мезгілінің белгісі. Сондықтан оған Күдіктенбей Маған еріңдер. Міне осы тура жол. ","Сендерді шайтан тура жолдан тоспасын. Өйткені ол, сендер үшін ашық дұшпан.","Ғиса (Ғ.С.) мұғжизалармен келген заман, оларға: \"Мен сендерге хикметті келтірдім. Алладан қорқыңдар, Маған бой ұсыныңдар\" деді. ","\"Дау жоқ, Алла, менің дө сендердің де Раббыларың. Сондықтан Оған құлшылық қылыңдар. Осы тура жол!\" ","Дегенмен топтар өзара қайшылыққа түсті. Жан түршігерлік күннің азабынан сондай залымдарға нендей өкініш! ","Олар, өздеріне қиямет мезгілінің кенеттен өздері аңғармаған түрде, келуін ғана күте ме? ","Сол күні тақуалардан басқа достар, бір-біріне дұшпан болады. ","(Алла, тақуаларға): \"Әй құлдарым! Бүгін сендерге хауіп-қатер жоқ әрі қайғырмайсыңдар\" (дейді) ","Олар сондай иман келтіріп, бой ұсынушылар. "," \"Жаннатқа кіріңдер. Сендер де жұбайларың да шаттыққа бөленесіңдер!\" ","Оларға алтыннан табақтар, кәселер ұсынылады. Сондай-ақ онда көңілдері қызығатын, көздері куанатын нәрселер бар. Сендер онда мәңгі қаласыңдар. ","Міне осы сендердің ғамалдарыңменен мұрагер болған жаннат. ","Онда сендерге жемістер көп, одан жейсіңдер. ","Сөзсіз күнәкарлар тозақтың азабында мәңгі қалады. ","Олардың азабы жеңілтілмейді де олар онда күдер үзген түрде қалады. ","Оларға зұлымдық қылмадық, олар өздеріне зұлымдық қьілды. ","Тозақтықтар: \"Әй сақшы! Раббың ісімізді бітірсін\" дейді. Сақшы: \"Расында сендер тұрасыңдар\" дейді. ","(Алла оларға): \"Шынында сендерге шындықты келтірдік. Бірақ көбің шындықты жек көрдіңдер.\" ","Немесе олар (Пайғамбарға қарсы) шара қолданды ма? Шын мәнінде Біз шара қолданушымыз. ","Немесе олар сырларын, сыбырларын Біз естімейді деп ойлай ма? Әрине періштелеріміз алдарында жазуда. (82-С. 10-11-А.) ","(Мұхаммед Ғ.С.) оларға: \"Мүбада Алланың баласы болса, сонда мен құлшылық қылушылардың алды болар едім\" де. ","Көктер мен жердің Раббы әрі ғаршынын Раббы, олардың сипаттаған нәрселерінен пәк. ","Енді оларды қойып қой. Өздеріне уәде етілген күнге дейін сүңгісін. ойнасын. ","Ол сондай Алла, көкте де Тәңір, сондай-ақ жерде де Тәңір. Және Ол, аса дана толық білуші. ","Ол сондай өте жоғары Алла (Т.), көктер мен жердің әрі екі арасындағы нәрселердің игілігі Оған тән. (Оның меншігінде.) Сондай-ақ қиямет мезгілінің мәліметі Оның қасында әрі Оған қайтарыласықдар.","Олардың Алладан өзге құлшылық қылғандары шапағат ету күшіне ие емес. Бірақ хақиқатты біліп, куә болғандар басқа. (Шапағат ете алады.) ","Егер олардан: \"Кім жаратты?\",- деп сұрасаң, әлбетте: \"Алла\" дейді. Сонда, қалай бұрылып, барады? ","Пайғамбардың: \"Раббым! Бұлар иман келтірмейтін ел\" дейтінін (Алла біледі.)","(Мұхаммед Ғ.С.) олармен шығыс, сәлем бер. Олар жедел түсінеді. ","Ха. Мим.","Ашық баян етуші Құранға серт. ","Шын мәнінде оны құтты бір кеште түсірдік. Расында Біз ескертушіміз. (97-С. 1-А.) ","Ол кеште барлық хикметті істер айрылады.","Бұл өз қасымыздан бір бұйрық. Расында елшілерді жіберушіміз. ","(Мұхаммед Ғ.С.) Раббыңның игілігі. Күдіксіз Ол, әр нәрсені естуші, толық білуші. ","Егер анық сенетін болсаңдар, көктер мен жердің әрі екі арасындағылардың Раббы.","Одан басқа ешбір тәңір жоқ. Тірілтеді, өлтіреді. Сендердің де Раббыларың, бұрынғы аталарыңның да Раббы.","Бірақ олар, бір күдік ішінде ойнауда. ","(Мұхаммед Ғ.С.) ендеше аспанның бір ашық түтін келтіретін күнін күт. (Қуаншылықтан аш қалған елдің көздері бүлдырап, жер, көктің бүлыңғыр көрінетін күні. Немесе қиямет белгілері түрінде қаптайтын қара түнек. Б.Ж.М.К.Р.) ","Адамдарды қаптап алады; Бүл жан түршігерлік азап. ","Олар: \"Раббымыз! Бізден бұл азапты айықтыр. Шынында иман келтіргенміз.\" ","Оларға үгіт алу қайда? Расында оларға ашық түсіндіруші бір Пайғамбар келген. ","Сосын олар одан бұрылды да: \"Үйретілген бір жынды\" деді. ","Расында бейнетті біраз айықтырамыз. Дау жоқ! Сендер қайталайсыңдар. ","Өте қатты ұстаумен ұстаған күні, әрине тиісті жазасын береміз.","Расында бұлардан бұрын Перғауын елін де сынаған едік. Оларға ардақты пайғамбар келген. ","\"Алланың құлдарын маған тапсырыңдар. Өйткені мен сендерге сенімді бір Пайғамбармын\" деді. ","\"Аллаға астамшылық қылмаңдар. Шын мәнінде сендерге ашық дәлелмен келдім.\"","\"Күдіксіз мен сендердің таспен атуларыңнан Раббыма және сендердің де Раббыларың (Аллаға) сиындым.\"","\"Егер маған иланбасаңдар, менен аулақ болыңдар.\" ","Сонда (Мұса Ғ.С.): \"Бұлар қылмысты ел\" деп, Раббына жалбарынды.","(Алла Т.): \"Құлдарымды түнде алып кет. Сөз жоқ, арттарыңа қуғыншы түседі.\"","\"(Теңізден өтіп алғаннан кейін) теңізді ашық қойып қой. Өйткені олар суға бататын ләшкер! ","Олар қаншалаған бақшалар, бұлақтар қалдырды; ","Қаншалаған егіндер, көркем мекендерді де. ","Сондай-ақ ішінде қарқ болып кенелген дәулеттерді де. ","Осылайша оларға басқа бір елді мұрагер қылдық.","Сонда оларға көк те жер де жыламады. Әрі олар тостырылмады. (Оларға қайғырған да болмады және мұрса да берілмеді.Б.) ","Расында Израил ұрпақтарын қорлаушы бейнеттен құтқардық; ","Перғауыннан. Өйткені ол, тым шектен шығушылардан еді. ","Расында Израил ұрпақтарын біле тұра әлемге ықпалды қылдық.","Сондай-ақ оларға мұғжизалар бердік. Онда ашық сынау бар еді.","Күдіксіз олар, бүйдейді: ","\"Бізге осы алғашқы өлімнен басқа түк жоқ. Сондай-ақ біз қайта тірілмейміз;\" ","\"Мүбада рас айтушы болсаңдар, аталарымызды алып келіңдерші;\"","(Мұхаммед Ғ.С.) олар артық па? Немесе Тұббағ елі ме? Олардан бұрынғы елдер ме? Оларды да жоқ еттік. Өйткені олар қылмысты еді. ","Көктерді де жерді де әрі екі арасындағы нәрселерді де ойыншық қып жаратпадық. ","Екеуін хақиқат бойынша жараттық. Бірақ олардың көбі білмейді.","Расында олардың бір араға жиналатын билік күні.","Ол күні достың досқа еш пайдасы болмайды әрі оларға жәрдем етілмейді. ","Бірақ Алла мәрхамет еткен кісі ғана пайдалана алады. Күдіксіз Ол Алла, тым үстем, ерекше мейірімді. ","Шынында заққүм ағашы; (23-С. 62-А.) ","Күнәкарлардың тамағы. ","Балқыған кен сияқты қарындарында қайнайды. ","Қайнаған су құсаған.\" ","\"Оны ұстаңдар да сүйретіп, тозақтың ортасына тастаңдар.\" ","\"Сосын басының үстіне азап ретінде қайнар су қойыңдар.\" ","\"(Азапты) тат. Расында сен өзіңше үстем, құрметті едің.\" ","\"Шынында күдіктенген нәрселерің осы.\" ","Шын мәнінде тақуалар аман бір орында болады; ","Бақшаларда бұлақтарда, ","Жұқа қалың жібектер киіп, ерсілі-қарсылы отырады. ","Осы сияқты, сондай-ақ оларды бота көз хұрлармен үйлендіреміз.","Ол жерде бейбіт түрде әр түрлі жемісті сұрай алады. ","Ол жерде дүниедегі алғашқы өлімнен басқа ешбір өлім татпайды. Алла оларды тозақтың азабынан сақтаған. ","Раббыңнан кеңшілік, міне осы зор қол жеткендік.","(Мұхаммед Ғ.С.) шын мәнінде олардың үгіт алулары үшін Құранды сенің тіліңнен ғана оңайластырдық. ","Нәтижені сен де күт. Расында олар да күтуде. ","Ха. Мим.","Бұл Кітап тым үстем, хикмет иесі Алла тарапынан түсірілді. ","Күдіксіз көктерде де жерде де белгілер бар. ","Сендердің жаратылуларықда сондай-ақ жәндіктердің өрбіп таралуында нак сенген ел тшін белгілер бар. ","Түн мен күндіздің ауысуында сондай-ақ Алланың көктен жаңбыр жаудырып, өлгеннен кейін жерге сонымен жан беруінде және желдерді игеруінде түсінген елге ғибрат бар. ","(Мұхаммед Ғ.С.) осылар Алланың аяттары. Саған бұларды хақиқат бойынша оқимыз. Енді олар Алланың аяттарынан кейін қай сөзге сенеді? ","Барлық өтірікші, күнәкар құрысын! ","Оларға оқылған Алланың аяттарын тыңдайды да сосын қасарысып, тәкаппарланған бойда естімегендей болады. Енді оны күйзелтуші азаппен қуандыр. ","Мүбада ол, аяттарымыздан бір нәрсе білсе, оны келемежге алады. Міне соларға қорлаушы азап бар. ","Артынан тозақ дайын. Олардың істері де Алладан өзге жасап алған достары да ешбір пайда бермейді. Сондай-ақ оларға зор қинау бар. ","Бұл Құран бір жетекші. Сондай Раббыларының аяттарына қарсы болғандар үшін күйзелтуші азаптың ең қоры бар. ","Ол сондай Алла, теңізді еріктеріңе берді. Оның бұйрығымен теңізде кемелерді жүргізіп, Оның кеңшілігінен несібе іздейсіңдер. Әрине шүкірлік етерсіңдер. ","Және де Ол, өз тарапынан сендер үшін көктердегі әрі жердегі барлық нәрсені іске қосты. Шын мәнінде осыларда түсінген ел үшін белгілер бар. ","(Мұхаммед Ғ.С.) иман келтіргендерге айт: \"Алланың ауыр күнін үміт етпегендерді кешірім етсін. Өйткені Алла, бір елдің қылықтарының жазасын береді. "," Әлде кім ізгі іс істесе, сонда өзі үшін. Ал кім жамандық істесе, о да өзіне. Сосын Раббыларыңа қайтарыласыңдар. ","Расында Израил ұрпақтарына кітап, патшалық, Пайғамбарлық және өздеріне таза ризық беріп сондай-ақ әлемдерге үстем қылған едік. ","Және де дін істерінде оларға ашық түсініктер бердік. Дегенмен өздеріне мәлімет келгеннен кейін өзара күншілік қылып, мүлде талас-тартысқа түсті. Шын мәнінде Раббың қиямет күні араларындағы қайшылыққа түскен нәрселері турасында үкім береді. ","Сосын (Мұхаммед Ғ.С.) сені шариғат ісіне қойдық. Енді сонымен жүр. Білмегендердің ойларына ілеспе. "," Өйткені олар сені Алладан еш қорғай алмайды. Шынында залымдар бір-бірінің досы. Сондай-ақ Алла тақуалардың досы. ","Бұл Құран адамдар үшін көрнеу дәлелдер және нақ сенген елге жетекші әрі рахмет. ","Немесе жамандықтарды істегендер, өздерін; иман келтіріп, ізгі іс істегендер сияқты қылатындығымызды, тіршіліктерінде, өлімдерінде тең боларын ойлай ма? Олардың берген үкімі нендей жаман. ","Негізінде Алла (Т.) көктерді әрі жерді шындық бойынша жаратты. Әркімге қылығының бодауы беріледі. Сондай-ақ олар әділетсіздікке ұшырамайды.","(Мұхаммед Ғ.С.) көңлі тартқанын тәңір жасап алған, сондай-ақ Алла, өзін біліп адастырган және құлағын, жүрегін бітеп, көзіне қалтқы жасаған біреулерді көрдің ме? Енді Алладан кейін оны тура жолға кім салады? Түсінбейсіңдер ме? ","Олар: \"Тіршілігіміз дүниедегі ғана. Өлеміз, өмір стреміз. Бізді заман ғана өлтіреді\" дейді. Негізінде олардың бұған байланысты мәліметі жоқ. Олардікі межелеу ғана. (Қүбылыстар; заманның айналуынан ғана болады дейді. М.Р.К.) "," Оларға аяттарымыз ашықша оқылған кезде: \"Егер сөздерің шын болса, аталарымызды тірілтіп, келтіріңдер\" деулерінен басқа дәлелдері болмады. "," (Мұхаммед Ғ.С.): \"Сендерді Алла тірілтеді сосын өлтіреді. Сосын сендерді болуы шәксіз қиямет күнінде жинайды. Бірақ адамдардың көбі түсінбейді\" де. ","Көктер мен жердің иелігі Аллаға тән. Қиямет-қайым болған күні, я сол күні; бұзық құмарлар зиянға ұшырайды. ","(Мұхаммед Ғ.С.) барлық үмметті жүгінген түрде көресің. Әр үммет ғамал дәптеріне шақырылады да: \"Бүгін қылмыстарыңның бодауы беріледі.\" ","\"Бұл Кітабымыз сендерге шындықты сөйлейді. Өйткені, сендердің істегендеріқді жаздырушы едік.\" ","Ал енді иман келтіріп, ізгі іс істегендер, сонда оларды Раббылары мәрхаметіне бөлейді. Міне сол айқын қол жеткендік. ","Қарсы болғандарға: \"Сендерге аяттарым оқылмап па еді? Сонда тәқаппарландыңдар. Сондай-ақ қылмысты ел, сендер едіңдер.\" ","\"Расында Алланың уәдесі хақиқат әрі қияметтің келуінде шәк жоқ\" делінген уақытта: \"Қияметтің не екенін білмейміз. Бір ой жору ғана деп ойлаймыз. Сондай-ақ біз анық нанушы емеспіз\" (дер едіңдер.)","(Дегенше) істеген істерінің жамандықтары әшкереленіп, олардың мазақтаған нәрселері бастарына жетті. ","Оларға: \"Сендер осы күнге жолығуды ұмытқандай сендерді Біз де ұмытамыз. Орындарың от. Сондай-ақ сендер үшін бір жәрдемші болмайды\" делінеді. ","Бұларың, Алланың аяттарын мазақтағандықтарыңның салдарынан. Әрі сендерді дүние тіршілігі алдады. Сондықтан олар тозактан шығарылмайды да ғүзырлары қабыл етілмейді. ","Барлық мақтау, көктер мен жердің және әлемдердің Раббы Аллаға тән.","Сондай-ақ Көктерде, жерде ұлықтық Онікі. Ол тым үстем, аса дана."]