Allahın Gözəl Adları

əl-Hayy

Daima diri olan

الحَيُّ

əl-Hayy (Daima diri olan) — ən kamil və ən dolğun həyatla yaşayan, varlığı heç bir səbəb və şərtdən asılı olmayan, başlanğıcı və sonu olmayandır. Həyatının kamilliyi ondadır ki, O, heç vaxt ayıqlığını itirmir, yorulmur, mürgüləmir və yatmır. Onun imkanları zamanla tükənmir və qüvvəsini bərpa etmək üçün istirahətə ehtiyacı yoxdur. Həyatının dolğunluğu isə ondadır ki, O, mütləq qüdrətə, eşitməyə, görməyə, elmə və digər ilahi sifətlərə malikdir və istədiyi hər şeyi edə bilər.

Qurani-Kərimdə zikr olunur: 5 dəfə.

Dəlil: Allah Özündən başqa (haqq) məbud olmayandır, (əbədi) Yaşayandır, (bütün yaratdıqlarının) Qəyyumudur. Onu nə mürgü, nə də yuxu tutar. Göylərdə və yerdə nə varsa, (hamısı) Ona məxsusdur. Allahın izni olmadan Onun yanında kim şəfaət edə bilər? O, (qullarının) gələcəyini və keçmişini bilir. Onlar Allahın elmindən Onun istədiyindən başqa heç bir şey qavraya bilməzlər. Onun Kürsüsü göyləri və yeri əhatə etmişdir. Bunları qoruyub saxlamaq Ona ağır gəlməz. O, Ucadır, Əzəmətlidir. (Surə 2 «əl-Bəqərə», ayə 255)