Аль-Вадуд (Сүйүүчү, Сүйүктүү) — Өзүнө баш ийген пенделерин жакшы көргөн жана алардын жүрөктөрүнө ачылып, аларга жакшылык кылуу менен Өзүнө болгон сүйүүнү уялаткан Зат. Ас-Саади жазат: «Бул — Өз пайгамбарларын, элчилерин жана алардын жолдоочуларын жакшы көргөн, алар дүйнөдөгү баарынан артык жакшы көргөн Зат. Алардын жүрөктөрү Ага болгон сүйүүгө толгон, ал эми тилдери Аны дайыма мактайт. Алар Ага бүт жан-дили менен — чын ыкластан жана сүйүү менен умтулушат».