Sura 76

Inson

Q

Inson

31 oyat |MadinaMadina |
Sura 76 • Oyat 1 / 31 • Juz 297⁄8 • Sahifa 578
Inson
2
1
هَلْ أَتَىٰ عَلَى ٱلْإِنسَٰنِ حِينٌ مِّنَ ٱلدَّهْرِ لَمْ يَكُن شَيْـًٔا مَّذْكُورًا‮١‬‬‬
Sodiq
Darhaqiqat, insonga u esga olinadigan narsa bo`lmagan bir zamon kelmadimi?
2
إِنَّا خَلَقْنَا ٱلْإِنسَٰنَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَٰهُ سَمِيعً​ۢا بَصِيرًا‮٢‬‬‬
Sodiq
Albatta, Biz insonni aralash nutfadan yaratdik. Sinash uchun, bas, uni eshitadigan, ko`radigan qildik.
3
إِنَّا هَدَيْنَٰهُ ٱلسَّبِيلَ إِمَّا شَاكِرًا وَإِمَّا كَفُورًا‮٣‬‬‬
Sodiq
Albatta, Biz unga yo`l ko`rsatdik. (U esa) yoki shukr qiluvchi, yoki kufr keltiruvchi bo`ldi.
4
إِنَّآ أَعْتَدْنَا لِلْكَٰفِرِينَ سَلَٰسِلَاْ وَأَغْلَٰلًا وَسَعِيرًا‮٤‬‬‬
Sodiq
Albatta, Biz kofirlar uchun zanjirlar, kishanlar va yonib turgan olovni tayyorlab qo`yganmiz.
5
إِنَّ ٱلْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُورًا‮٥‬‬‬
Sodiq
Albatta, yaxshilar kaafur aralashtirilgan qadahdan icharlar.[1]

[1] Kaafur — ichimlikni xushbo`y va xushta'm qiluvchi modda bo`lib, arablar u aralashgan sharobni eng yaxshi sharob hisoblashadi.)
6
عَيْنًا يَشْرَبُ بِهَا عِبَادُ ٱللَّهِ يُفَجِّرُونَهَا تَفْجِيرًا‮٦‬‬‬
Sodiq
Bir buloqdanki, undan Allohning bandalari otiltirib icharlar.
7
يُوفُونَ بِٱلنَّذْرِ وَيَخَافُونَ يَوْمًا كَانَ شَرُّهُۥ مُسْتَطِيرًا‮٧‬‬‬
Sodiq
Ular nazrga vafo qilarlar va yomonligi keng tarqaladigan kundan qo`rqarlar.
8
وَيُطْعِمُونَ ٱلطَّعَامَ عَلَىٰ حُبِّهِۦ مِسْكِينًا وَيَتِيمًا وَأَسِيرًا‮٨‬‬‬
Sodiq
O`zlari taomni yaxshi ko`rib tursalar ham, uni miskin, yetim va asirlarga berarlar.[1]

[1] Abrorlarning xislati nima ekan! Ular hattoki o`zlariga taom kerak bo`lib, hojatlari tushib tursa ham, miskin, yetim, asirlarni o`zlaridan ustun qo`yib, taomni ularga beradilar.)
9
إِنَّمَا نُطْعِمُكُمْ لِوَجْهِ ٱللَّهِ لَا نُرِيدُ مِنكُمْ جَزَآءً وَلَا شُكُورًا‮٩‬‬‬
Sodiq
«Albatta, biz sizlarni faqat Allohning roziligi uchun ovqatlantiramiz. Buning evaziga sizlardan mukofot yoki tashakkur xohlamaymiz.
10
إِنَّا نَخَافُ مِن رَّبِّنَا يَوْمًا عَبُوسًا قَمْطَرِيرًا‮١٠‬‬‬
Sodiq
Albatta, biz qo`rqinchli, shiddatli, uzun kunda o`z Robbimizdan qo`rqurmiz», derlar.
11
فَوَقَىٰهُمُ ٱللَّهُ شَرَّ ذَٰلِكَ ٱلْيَوْمِ وَلَقَّىٰهُمْ نَضْرَةً وَسُرُورًا‮١١‬‬‬
Sodiq
Bas, ularni Robbilari o`shal kun sharridan saqladi va ularga xushro`ylik hamda xursandchilik ato qildi.
12
وَجَزَىٰهُم بِمَا صَبَرُواْ جَنَّةً وَحَرِيرًا‮١٢‬‬‬
Sodiq
Va sabr qilganliklari uchun, ularni bog`u rog` va ipaklar bilan mukofotladi.
13
مُّتَّكِـِٔينَ فِيهَا عَلَى ٱلْأَرَآئِكِ ​ۖ لَا يَرَوْنَ فِيهَا شَمْسًا وَلَا زَمْهَرِيرًا‮١٣‬‬‬
Sodiq
U yerda so`rilarda suyangan holdalar. U yerda quyoshni ham, sovuqni ham ko`rmaslar.
14
وَدَانِيَةً عَلَيْهِمْ ظِلَٰلُهَا وَذُلِّلَتْ قُطُوفُهَا تَذْلِيلًا‮١٤‬‬‬
Sodiq
Va ustilariga u(jannat)ning soyalari yaqindir hamda uning mevalari juda ham oson qilingandir.
15
وَيُطَافُ عَلَيْهِم بِـَٔانِيَةٍ مِّن فِضَّةٍ وَأَكْوَابٍ كَانَتْ قَوَارِيرَاْ‮١٥‬‬‬
Sodiq
Va ularga kumush idishlar va billurlardan bo`lgan qadahlar aylantirib turilur.
16
قَوَارِيرَاْ مِن فِضَّةٍ قَدَّرُوهَا تَقْدِيرًا‮١٦‬‬‬
Sodiq
Billurlar kumushdandir, (soqiylar) o`lchovini keltirgandirlar.
17
وَيُسْقَوْنَ فِيهَا كَأْسًا كَانَ مِزَاجُهَا زَنجَبِيلًا‮١٧‬‬‬
Sodiq
Va ular u(er)da aralashmasi zanjabiyl bo`lgan qadahdan sug`orilurlar.
18
عَيْنًا فِيهَا تُسَمَّىٰ سَلْسَبِيلًا‮١٨‬‬‬
Sodiq
U(er)dagi «salsabiyl» nomli buloqdan.[1]

[1] Zanjabiyl — yerga tomir otgan o`simlik turi bo`lib, tomiri tuyilib xushbo`y modda yasaladi arablar undan o`z ichimliklariga qo`shib ichishni juda-juda sevadilar. Ichuvchining tomog`idan huzur bag`ishlab, osonlik bilan o`tuvchi sharobni arablar salsabiyl deb ataydilar. «Salsabiylan» deyilganda shunga ishora qilinyapti.)
19
۞وَيَطُوفُ عَلَيْهِمْ وِلْدَٰنٌ مُّخَلَّدُونَ إِذَا رَأَيْتَهُمْ حَسِبْتَهُمْ لُؤْلُؤًا مَّنثُورًا‮١٩‬‬‬
Sodiq
Va ularning atrofida abadiy yosh bolalar aylanarlar, agar ularni ko`rsang, sochilgan marjon, deb o`ylarsan.
20
وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا‮٢٠‬‬‬
Sodiq
Va agar ko`rsang, u yerda ne'matni va ulkan mulkni ko`rursan.
21
عَٰلِيَهُمْ ثِيَابُ سُندُسٍ خُضْرٌ وَإِسْتَبْرَقٌ ​ۖ وَحُلُّوٓاْ أَسَاوِرَ مِن فِضَّةٍ وَسَقَىٰهُمْ رَبُّهُمْ شَرَابًا طَهُورًا‮٢١‬‬‬
Sodiq
Ularning ustilarida yashil sundusdan (yupqa ipakdan) va istabraqdan (qalin ipakdan) kiyimlar bor va kumush bilakuzuklar-la yasanganlar va Robbilari ularni pok sharob bilan sug`orur.
22
إِنَّ هَٰذَا كَانَ لَكُمْ جَزَآءً وَكَانَ سَعْيُكُم مَّشْكُورًا‮٢٢‬‬‬
Sodiq
Albatta, bu sizga mukofot bo`ldi va sizning amalingiz qabul bo`ldi.
23
إِنَّا نَحْنُ نَزَّلْنَا عَلَيْكَ ٱلْقُرْءَانَ تَنزِيلًا‮٢٣‬‬‬
Sodiq
Albatta, Biz senga Qur'onni bo`lak-bo`lak qilib tushirdik.
24
فَٱصْبِرْ لِحُكْمِ رَبِّكَ وَلَا تُطِعْ مِنْهُمْ ءَاثِمًا أَوْ كَفُورًا‮٢٤‬‬‬
Sodiq
Bas, Robbing hukmiga sabr qil va ulardan gunohkor yoki kofirlariga itoat qilma.
25
وَٱذْكُرِ ٱسْمَ رَبِّكَ بُكْرَةً وَأَصِيلًا‮٢٥‬‬‬
Sodiq
Ertayu kech Robbing ismini zikr qil.
26
وَمِنَ ٱلَّيْلِ فَٱسْجُدْ لَهُۥ وَسَبِّحْهُ لَيْلًا طَوِيلًا‮٢٦‬‬‬
Sodiq
Va kechasida ham Unga sajda qil va uzoq kechalarda Unga tasbih ayt.[1]

[1] Tafsirchilar «bukratan»dan murod Bomdod namozi, «asiylo»dan murod peshin va asr namozi, «Va minal layli» Shom va Xufton namozlari. «Laylan toviylo»dan murod kechasi bedorlik bilan o`qilgan namoz deganlar.)
27
إِنَّ هَٰٓؤُلَآءِ يُحِبُّونَ ٱلْعَاجِلَةَ وَيَذَرُونَ وَرَآءَهُمْ يَوْمًا ثَقِيلًا‮٢٧‬‬‬
Sodiq
Albatta, anavilar shoshgan(dunyo)ni yaxshi ko`rurlar va og`ir kunni ortlarida qoldirurlar.
28
نَّحْنُ خَلَقْنَٰهُمْ وَشَدَدْنَآ أَسْرَهُمْ ​ۖ وَإِذَا شِئْنَا بَدَّلْنَآ أَمْثَٰلَهُمْ تَبْدِيلًا‮٢٨‬‬‬
Sodiq
Biz ularni yaratdik va yaratilishlarini mahkam qildik. Va agar xohlasak, ularning o`rinlariga o`xshashlarini keltiramiz.
29
إِنَّ هَٰذِهِۦ تَذْكِرَةٌ ​ۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا‮٢٩‬‬‬
Sodiq
Albatta, bu (sura) eslatmadur. Bas, kim xohlasa, o`z Robbisiga yo`l oladir.
30
وَمَا تَشَآءُونَ إِلَّآ أَن يَشَآءَ ٱللَّهُ ​ۚ إِنَّ ٱللَّهَ كَانَ عَلِيمًا حَكِيمًا‮٣٠‬‬‬
Sodiq
Va Alloh xohlasagina, sizlar ham xohlaysizlar. Albatta, Alloh biluvchi va hikmatli Zotdir.
31
يُدْخِلُ مَن يَشَآءُ فِى رَحْمَتِهِۦ ​ۚ وَٱلظَّٰلِمِينَ أَعَدَّ لَهُمْ عَذَابًا أَلِيمً​ۢا‮٣١‬‬‬
Sodiq
U kimni xohlasa, O`z rahmatiga kiritur va zolimlar uchun alamli azoblar tayyorlab qo`ygandir.