Allah — Tanrının xüsusi adıdır. O, yeganə həqiqi Varlıq, aləmin Yaradanı və Hökmdarıdır; ən kamil sifətlərə malikdir, Özü ilə mövcuddur, yaratdığı aləmdən kənardadır və ondan asılı deyildir. Bu adla başqa heç kəs nə həqiqi, nə də məcazi mənada adlandırıla bilməz; eləcə də başqa heç kəs tanrı ola bilməz və ibadətə layiq deyildir. Uca Allah buyurmuşdur: O, göylərin, yerin və onların arasında olanların Rəbbidir! Elə isə yalnız Ona ibadət et və Ona ibadətdə səbirli ol! Heç Ona oxşarını tanıyırsanmı?! (Surə 19 «Məryəm», ayə 65).
Qurani-Kərimdə zikr olunur: 2699 dəfə.
Dəlil: Həqiqətən, Mən Allaham! Məndən başqa heç bir məbud yoxdur. Mənə ibadət et və Məni xatırlamaq üçün namaz qıl! (Surə 20 «Ta ha», ayə 14)