Алланың көркем есімдері

Ас-Ситтир

Жабушы, Қорғаушы

السِّتِّيرُ

Ас-Ситтир (Жабушы, Қорғаушы) — құлдарының күнәлары мен кемшіліктерін жауып, оларды масқаралаудан ұялатын, құлдары өз күнәларын жасырып, бір-бірінің кемшілігін іздемегенін жақсы көретін Тұлға. Әл-Байһақи жазады: «Ас-Ситтир Оның құлдарының көптеген күнәларын жауып, оларды адамдардың алдында масқараламайтынын, құлдары өз кемшіліктерін жасырып, оларды қаралауы мүмкін нәрседен аулақ болғанын жақсы көретінін білдіреді».

Бұл есім Құранда аталмайды, Сүннетте кездеседі.

Дәлел: Пайғамбар (оған Алланың игілігі мен сәлемі болсын) былай деді: Алла ұялшақ әрі жасырушы (Ситтир), ұят пен жасыруды жақсы көреді. (Әбу Дәуд, Ән-Нәсаи)