Ал-Афувв (Маҳвкунандаи гуноҳ, Бахшанда) — Он Зоте, ки аз ҷазо додани касоне, ки дар пеши Ӯ гунаҳкор шудаанд, худдорӣ мекунад, ки гуноҳҳоро бе асар мекунад ва аз оқибатҳои вазнини онҳо озод мекунад. Ал-Ғазолӣ менависад: «Ал-Афувв — Он Зоте, ки бадкориҳоро маҳв мекунад ва гуноҳҳоро мебахшад. Ин ном ба номи Ал-Ғафур монанд аст, вале пурмазмунтар аст, зеро ғуфрон ба пӯшонидани гуноҳҳо ишора мекунад, афв бошад маънои маҳв шудани гуноҳҳоро дорад. Маҳв кардани гуноҳ аз пӯшонидани он бештар аст».