əl-Ğəffar (Hər şeyi bağışlayan) — bağışlamağı sevən və digər əməllərindən asılı olmayaraq Ona şərik qoşmayanları bağışlayandır. əl-Həlimi yazır ki, əl-Ğafur günahkar qullarını tez-tez örtür və onlara çox şeyi bağışlayır, əl-Ğəffar isə onların günahlarını tamamilə örtür və onları həm bu dünyada, həm də əbədi həyatda rüsvayçılıqdan qoruyur. əl-Qəzzalinin fikrincə, əl-Ğəffar adı Onun qullarını tez-tez və təkrar-təkrar bağışladığını, əl-Ğafur adı isə bağışlamasının kamilliyini və hərtərəfliliyini göstərir.
Qurani-Kərimdə zikr olunur: 5 dəfə.
Əlaqəli formalar: ٱلْغَفُور — 91 dəfə, غَافِر ٱلذَّنْب — 1 dəfə.
Dəlil: O, göyləri və yeri haqq olaraq yaratdı. O, gecəni gündüzə bürüyür, gündüzü də gecəyə bürüyür. O, günəşi və ayı ram etdi. Onların hər biri müəyyən olunmuş vaxtadək hərəkət edər. Agah olun ki, O, Qüdrətlidir, Bağışlayandır. (Surə 39 «əz-Zumər», ayə 5)