Allohning go'zal ismlari

Al-Vohid

Yagona

الوَاحِدُ

Al-Vohid (Yagona) — Undan boshqa hech kim bo’lmagan paytda mavjud bo’lgan, O’ziga teng va o’xshash hech kimi yo’q, kamolotning barcha sifatlariga yolg’iz O’zi ega va ularni hech kim bilan baham ko’rmaydigan, ibodat va sig’inishga yolg’iz O’zi loyiq bo’lgan Zot. Alloh taolo aytdi: Va ilohingiz bir ilohdir. Rohman va Rohiym bo’lmish Undan o’zga ibodatga sazovor zot yo’qdir. (Sura 2 «Baqara», Oyat 163). Haqiqiy Iloh faqat bitta bo’lishi mumkin va Uning tengi ham, o’xshashi ham bo’lmaydi.

Qur’onda zikr qilinishi: 22 marta.
Bog’liq shakllar: ٱلْأَحَد — 1 marta.

Dalil: Sen: «Osmonlaru yerning Robbi kim?» deb ayt. «Alloh», degin. «O’zingizga Undan o’zga, o’zlariga foyda yoki zararga ega bo’lmagan valiylarni tutdingizmi?» degin. «Ko’zi ko’r bilan ko’ruvchi barobar bo’lurmi yoki zulmatlar bilan nur barobar bo’lurmi?» degin. Yoki ular Allohga U yaratgan maxluqotlarga o’xshash maxluqotlarni yaratganlarni sherik qilib oldilar-u, ularga yaratilgan maxluqotlarga o’xshash ko’rinmoqdami? «Barcha narsaning yaratuvchisi Allohdir. Va U Birdir, Qahhordir», degin. (Sura 13 «Ra'd», Oyat 16)