əl-Həmid (Təqdirəlayiq) — zatının, sifətlərinin və əməllərinin kamilliyinə görə hər cür tərifə layiq olan, şöhrəti göyləri, yeri və onların arasındakı hər şeyi dolduran, bütün canlı və cansız varlıqların tərif etdiyi Varlıqdır. əl-Xəttabi demişdir: “əl-Həmid tərif edilən və əməllərinə görə tərifə layiq olandır. Sevincdə və kədərdə, ehtiyacda və firavanlıqda Ona həmd etmək lazımdır, çünki O, hikmət sahibidir, səhv etmir və heç nəyi nəzərdən qaçırmır. Ona hər halda həmd etmək gərəkdir.”
Qurani-Kərimdə zikr olunur: 17 dəfə.
Dəlil: (Mələklər) dedilər: “Allahın əmrinə təəccübmü edirsən? Ey ev əhli! Allahın rəhməti və bərəkəti sizin üzərinizdədir! Həqiqətən, O, Tərifəlayiqdir, Şan-şöhrətlidir”. (Surə 11 «Hud», ayə 73)